Table of Contents   Previous Chapter   Next Chapter

JOHN BARBOUR

13                                                     Freedom

1316?-1395

A! Fredome is a noble thing!
Fredome mays man to haiff liking;1
Fredome all solace to man giffis,
He levys at ese that frely levys!
A noble hart may haiff nane ese,
Na ellys nocht2 that may him plese,
Gyff fredome fail; for fre liking
Is yarnyt3 our4 all othir thing.
Na he that ay has levyt fre
May nocht knaw weill the propyrtè,
The angyr, na the wretchyt dome
That is couplyt to foule thyrldome.
Bot gyff he had assayit it,
Than all perquer5 he suld it wyt;
And suld think fredome mar to prise
Than all the gold in warld that is.
Thus contrar thingis evirmar
Discoweryngis off the tothir ar.

1 liking: pleasure.

2 na ellys nocht: nor aught else.

3 yarnyt: yearned for.

4 our: above.

5 perquer: thoroughly, by heart.

Table of Contents   Previous Chapter   Next Chapter